ශ්‍රී ලංකාවෙන් පළමු උභයජල යාත්‍රාව යුරෝපයට

ගොඩබිම හා මුහුදේ එකලෙස ධාවනය කළ හැකි මෙරට ප්‍රථම උභයජල (Amphibious) යාත්‍රාව යුරෝපයට අපනයනය කිරීම කොග්ගල නිදහස් වෙළෙඳ කලාපයේදී ආරම්භ කෙරිණි. ‘Ocean Voyager International’ ආයතනය විසින් නව කර්මාන්ත ප්‍රතිපත්තිය යටතේ මෙය නිෂ්පාදනය කර ඇත. කර්මාන්ත සහ ව්‍යවසායකත්ව සංවර්ධන අමාත්‍ය සුනිල් හඳුන්නෙත්තිගේ ප්‍රධානත්වයෙන් මෙම සමාරම්භක උත්සවය පැවැත්වුණු අතර, දේශීය ශ්‍රමිකයන්ගේ දායකත්වයෙන් ශ්‍රී ලංකාව කලාපයේ නාවික නිෂ්පාදන මධ්‍යස්ථානය බවට පත් කිරීමට රජයේ පූර්ණ සහාය හිමි වන බව අමාත්‍යවරයා එහිදී ප්‍රකාශ කළේය.