ශ්රී ලංකාව මුහුණ දුන් විවිධ අභියෝග හමුවේ ඒවාට මුහුණ දී නිවැරදිව කළමනාකරණය කර ගැනීමට දායකත්වයක් සැපයූ දෙස් විදෙස් සියලු දෙනාට සුබ පතන බව අගමැතිනි, ආචාර්ය හරිනි අමරසූරිය මෙණෙවිය පැවසුවාය. බුද්ධශාසන, ආගමික හා සංස්කෘතික කටයුතු අමාත්යාංශය සංවිධාන කළ සිංහල දෙමළ අලුත් අවුරුදු සංස්කෘතික උත්සවයේ නැකැත් චාරිත්ර සිදු කිරීම අගමැතිනි ආචාර්ය හරිනි අමරසූරියගේ ප්රධානත්වයෙන් (14) ගම්පහදී සිදු කෙරුණු අතර එහිදී අගමැතිනිය එසේ පැවසුවාය. චාරිත්රානුකූලව පුණ්ය කාලයේදී අගමැතිනි ආචාර්ය හරිනි අමරසූරිය මෙණෙවිය ගම්පහ, මැදගම ශ්රී සුනන්දාරාම විහාරස්ථානය වෙත ගොස් ආගමික වතාවත්වල නිරත වූ අතර, එහිදී ශ්රී ලංකා රාමඤ්ඤ මහා නිකායේ කාරක සංඝ සභික, මැදගම ශ්රී සුනන්දාරාම ධර්මදූත පිරිවෙන් මහා විහාරාධිපති තුන්මෝදර සමිත හිමියන් බැහැදැක ආශීර්වාද ලබා ගත්තාය.
මෙවර අලුත් අවුරුදු සංස්කෘතික උත්සවයේ චාරිත්ර කටයුතු ගම්පහ දර්ශන වීරසිංහ මහතාගේ නිෙවසේ පැවති අතර, වැඩ ඇල්ලීමේ සුබ නැකත උදාවීමත් සමඟ නිවැසියන්ගේ ආරාධනයෙන් වැඩඇල්ලීම සිදු කළාය. හරිනි අමරසූරිය මෙණෙවිය විසින් නිෙවස පරිශ්රයේ පැළයක්ද රෝපණය කළාය. ඊට සමගාමිව බුද්ධශාසන, ආගමික හා සංස්කෘතික ඇමැති ආචාර්ය හිනිදුම සුනිල් සෙනෙවි සහ විදේශ කටයුතු හා සංචාරක ඇමැති විජිත හේරත් ද එම පරිශ්රයේ පැළ රෝපණය කිරීමේ සත්කාර්යයට දායක වූහ.අනතුරුව අගමැතිනිය දරුවන් සමඟ සාම්ප්රදායික ජන ක්රීඩාවල ද නිරත වුවාය.
සුබ නැකතට අධ්යාපන කටයුතුවල නියැළුණු දරුවන් සමඟ එක්වී අකුරු ලිවීමට, කියවීමට මඟපෙන්වමින් දේශයේ දරුවන්ගේ අධ්යාපන කටයුතු සංවර්ධනය කිරීමේ සුබ කර්තව්යය සනිටුහන් කිරීමට ද අගමැතිනිය මෙහිදී කටයුතු කළාය.
අනතුරුව අගමැතිනිය අෙනකුත් සම්භාවනීය අමුත්තන් නිවැසියන් සමඟ ගනුදෙනු කිරීම හා තෑගි හුවමාරු කිරීමේ චාරිත්රය ඉටු කර නිවැසියන් සමඟ ආහාර අනුභව කිරීමේ චාරිත්රයට ද එක්වූවාය.
බුද්ධශාසන, ආගමික හා සංස්කෘතික ඇමැති, මහාචාර්ය හිනිදුම සුනිල් සෙනෙවි මහතා-
සූර්ය මංගල්යයෙන් නැවුම් බව හා පවිත්රතාව මූර්තිමත් වෙනවා. සූර්යා අප සැමට ජීවය දෙන බව පසක් කරන සියලු දෙනාට සාමයෙන් හා සෞභාග්යයෙන් පිරි අලුත් අවුරුද්දක් ප්රාර්ථනා කරන බවත් පැවසීය.
මුදල් හා ක්රමසම්පාදන නියෝජ්ය ඇමැති සහ කම්කරු ඇමැති ආචාර්ය අනිල් ජයන්ත, කම්කරු ඇමැති මහින්ද ජයසිංහ, ගම්පහ දිස්ත්රික් පාර්ලිමේන්තු මන්ත්රී රුවන් මාපලගම මහත්වරුන් ද ගම්පහ දිස්ත්රික් ලේකම්, නගරාධිපති, ප්රාදේශීය ලේකම්වරුන් ඇතුළු රාජ්ය නිලධාරීහු විශාල පිරිසක් මේ අවස්ථාවට සහභාගි වූහ.
