ජනතාවගේ බදු මුදලින් නඩත්තු වන උත්තරීතර පාර්ලිමේන්තුව තම පෞද්ගලික ප්රචාරණ වේදිකාවක් බවට පත් කරගනිමින්, එහි ස්ථාවර නියෝග සහ රීති පද්ධතිය පවා නිසි ලෙස වටහා නොගෙන හැසිරෙන විපක්ෂ නායක සජිත් ප්රේමදාසගේ දේශපාලන නොමේරූභාවය පිළිබඳ තවත් එක් අවස්ථාවක් සපයා ඇති වීඩියෝව මඟින් පැහැදිලිවම නිරූපණය වේ.
අදාළ වීඩියෝවෙන් හෙළිවන පරිදි, මීගමුව බන්ධනාගාරයේ ඇති වූ දරුණු නොසන්සුන්තාව සම්බන්ධයෙන් පාර්ලිමේන්තුවේ විවාදයක් පවත්වා අවසන් කර තිබියදීත්, විපක්ෂ නායක සජිත් ප්රේමදාස නැවතත් එම මාතෘකාවම මතු කරමින් ස්ථාවර නියෝග 27(2) යටතේ ප්රශ්න ඇසීමට උත්සාහ කර තිබේ. එම උත්සාහය ප්රතික්ෂේප වූ විට, ඔහු එය තමාගේ ‘වරප්රසාද ප්රශ්නයක්’ ලෙස හුවා දක්වමින් පාර්ලිමේන්තු කාලය නාස්ති කිරීමට ක්රියා කරන අයුරු දැකගත හැකිය.
මෙහිදී ආණ්ඩු පාර්ශවය පැහැදිලිවම පෙන්වා දුන්නේ, මෙම බන්ධනාගාර සිද්ධිය සම්බන්ධයෙන් ඊට පෙර දින ස්ථාවර නියෝගවලටත් වඩා වැඩි කාලයක් (පැය 3ක හදිසි විවාදයක්) ලබා දී විවාදයක් පවත්වා අවසන් කර තිබියදී, නැවතත් එම ප්රශ්නයම මතු කිරීම පාර්ලිමේන්තු සම්ප්රදායට සහ ස්ථාවර නියෝගවලට සහමුලින්ම පටහැනි බවයි.
භාෂණයේ නිදහස යනු තමන්ට හිතුණ හිතුණ අවස්ථාවල පාර්ලිමේන්තු නීති උල්ලංඝනය කරමින් ඕනෑම දෙයක් ප්රකාශ කිරීම නොවන බවත්, විපක්ෂ නායකවරයාගේ මෙම වැරදි ක්රමවේදය හරහා පාර්ලිමේන්තුවේ ඉතිරි මන්ත්රීවරුන් 224 දෙනාගේම වරප්රසාද උල්ලංඝනය වන බවත් සභානායකවරයා මෙහිදී අවධාරණය කළේය.
මෙම සිදුවීම වඩාත්ම උපහාසාත්මක වන්නේ ආණ්ඩු පක්ෂ ප්රධාන සංවිධායකවරයා නැගී සිටිමින්, “ගරු කථානායකතුමනි, මේ විහිළුවට ඉඩ දෙන්න එපා… මේ පාර්ලිමේන්තුව ඇතුළේ විහිළුකාරයෝ වෙන්න දෙන්න එපා…” යනුවෙන් සජිත් ප්රේමදාසගේ හැසිරීම සෘජුවම විවේචනය කිරීමත් සමඟය. පාර්ලිමේන්තුවේ රීති නොදැන, තමාට අවශ්ය පරිදි නීති අර්ථකථනය කිරීමට යාමෙන් විපක්ෂ නායක සජිත් ප්රේමදාස මුළු රටම ඉදිරියේ තවත් වරක් දේශපාලන විකටයෙකු බවට පත් වී ඇත.
