ඕනෑම ප්රජාතන්ත්රවාදී රටක වගකීම් සහගත විපක්ෂයක් ක්රියාත්මක වුව ද, ශ්රී ලංකාව තුළ එවැනි වගකීම්සහගත විපක්ෂයක් දක්නට නොලැබෙන බව අධිකරණ අමාත්ය හර්ෂණ නානායක්කාර පවසයි.
අද (19) මාධ්ය වෙත අදහස් දක්වමින් අමාත්යවරයා සඳහන් කළේ, වර්තමානයේ ශ්රී ලංකාව තුළ සිටින්නේ ක්රෝධයෙන් සහ වෛරයෙන් පිරුණු, රජය ඉතා කඩිනමින් පෙරළා දැමීමට බලා සිටින පිරිසක් පමණක් බවයි. එමෙන්ම, අධිකරණ ක්ෂේත්රයේ නඩු කටයුතු වේගවත් කිරීම පිළිබඳව විපක්ෂය දැඩි බියකින් පසුවන බව ද ඔහු කියා සිටියේය.
මේ හේතුවෙන් වත්මන් විපක්ෂය හුදෙක් ‘සර්කස් එකක්’ (Circus) බඳු ක්රියාවලියක නිරත වනවා මිස ජනතා සුබසිද්ධිය උදෙසා කටයුතු නොකරන බව ද අමාත්යවරයා චෝදනා කළේය. එබැවින්, ඔවුන් විසින් එල්ල කරනු ලබන විරෝධතා තමන් කිසිසේත්ම මායිම් නොකරන බව ද අධිකරණ අමාත්ය හර්ෂණ නානායක්කාර වැඩිදුරටත් අවධාරණය කළේය.
