අපරාධ පරීක්ෂණ දෙපාර්තමේන්තුව විසින් අත්අඩංගුවට ගෙන ත්රස්තවාදය වැලැක්වීමේ පනත යටතේ රඳවාගෙන සිටි හිටපු රාජ්ය බුද්ධි ප්රධානී විශ්රාමික මේජර් ජෙනරාල් තුවාන් සුරේෂ් සලේ පාස්කු ඉරිදා එල්ල කළ මරාගෙන මැරෙන බෝම්බ ප්රහාරයේ මහ මොළකරු ලෙස කටයුතු කර ඇති බවට මේ වනවිට ඉදිරිපත්ව ඇති සාක්සි අනුව හෙළිවන බව අතිරේක සොලිසිටර් ජනරාල් දිලීප පිරිස් පිටු 14කින් යුත් විමර්ශනවල වාර්තාවක් අධිකරණයට ඉදිරිපත් කරමින් අනාවරණය කර ඇත.
පාස්කු ප්රහාරය සම්බන්ධයෙන් චැනල් ෆෝ නාලිකාවට ප්රකාශයක් සිදුකළ අසාත් මවුලානා නමැත්තාගෙන්, අපරාධ පරීක්ෂණ දෙපාර්තමේන්තුවේ අධ්යක්ෂ ශානි අබේසේකර ඇතුළු නිලධාරීන් කණ්ඩායමක් ප්රංශයට ගොස් එහි ශ්රී ලංකා තානාපතිවරයාගේ නිල නිවසේදී ලබාගත් ප්රකාශය අනුව තුවාන් සුරේෂ් සලේ මෙම ප්රහාරයේ මහමොලකරු වශයෙන් කටයුතු කර තිබෙන බවත් දේශපාලන අවශ්යතාවයක් ඉටුකිරීම සඳහා එය කර තිබෙන බවත් අතිරේක සොලිසිටර් ජනරාල්වරයා එහිදී අනාවරණට කර තිබේ.
අලියාර් හංදියේ ඇතිවූ ගැටුමක් සම්බන්ධයෙන් සහරාන් හෂීම්ගේ කල්ලියේ සාමාජිකයෙක් වන සෙයිනි මවුලවී බන්ධනාගාරගත වන බවත් ඔහු සහ පිල්ලයාන් සිටින්නේ එකම සිරකුටියේ බවත් නියෝජ්ය සොලිසිටර් ජනරාල් දිලීප පීරිස් අනාවණය කර ඇත.
නියෝජ්ය සොලිසිටර් ජනරාල් සඳහන් කරන්නේ ‘‘සෙයිනි මවුලවී පිල්ලයාන්ට ප්රකාශ කරනවා අපේ කණ්ඩායමේ ඉන්නවා මැරෙන්න සූදානම් පිරිසක් කියලා. මේ තොරතුර සැකකාර සුරේෂ් සලේට ආරංචි වෙනවා. ඔහු මේ මැරෙන්න කැමති කට්ටියගෙන් වැඩක් ගන්න කටයුතු කරනවා. ඒ අනුව තමයි සෙයිනි, සලේ සහ පිල්ලයාන් සම්බන්ධ වන්නේ. පාස්කු ප්රහාරයෙන් මියගිය සහරාන් හෂීම් ඇතුළු ස්වයං ඝාතක ප්රහාරයකින් හය දෙනෙකු පුත්තලමේදී සුරේෂ් සලේ හමුවී සාකච්ඡා කරලා තිබෙනවා. පාස්කු ප්රහාරය සිදුවූ අවස්ථාවේදී සැකකාර සුරේෂ් සලේ අසාද් මවුලානාට ඇමතුමක් ලබා දෙනවා. ඇමතුමක් දීලා කියනවා ටාජ් සමුද්රා එක ළඟට ගිහිල්ලා එහි සිටින පුද්ගලයෙක්ව ගන්නා ලෙසට. ඔහුගේ දුරකථනය භාරයට ගන්න කියලත් කියනවා. ඒ පුද්ගලයා තමයි දෙහිවලදී බෝම්බයක් පුරවා ගත් ජමිල් නමැත්තා. මේ ජමීල් නමැති බෝම්බකරු අහිංසක පුද්ගලයෙකු බවට වරුණ ජයසුන්දර විසින් සඳහන් කර තිබෙනවා. ඒ නිසා අපි වරුණ ජයසුන්දර නමැති නිලධාරියා සම්බන්ධයෙනුත් විමර්ශනය කරනවා” යනුවෙනි.
වැඩිදුරටත් කරුණු දැක්වූ අතිරේක සොලිසිටර් ජෙනරාල් දිලීප පීරිස් “මේ ප්රහාරයෙන් පසුව මහින්ද රාජපක්ෂ, බැසිල් රාජපක්ෂ සහ නාමල් රාජපක්ෂ යන අය මඩකලපුව බන්ධනාගාරයට ගිහින් පිල්ලයාන් හමුවෙනවා. ගෝඨාභය රාජපක්ෂ ජනාධිපති වී සතියකින් එළියට ගන්නා බවට ඔවුන් පිල්ලයාන්ට දැනුම් වෙනවා. ඒ අනුව ගෝඨාභය රාජපක්ෂ ජනාධිපති වෙනවා. ඉන් පසුව යුද හමුදා බුද්ධි අංශ ප්රධානියා වශයෙන් කටයුතු කර තිබූ සුරේෂ් සලේව සමස්ථ රාජ්ය බුද්ධි සේවයේම ප්රධානියා වශයෙන් පත්කරනවා. එසේ කරන්නේ බුද්ධි තොරතුරු වෙනත් අංශ වෙත ගමන් කිරීම වැළැක්වීමටයි.
සෙයිනි මවුලවී රක්ෂිත බන්ධනාගාර ගත වුණාම ඔහුට ඇප ගන්න රුපියල් දෙලක්ෂ පනස්දාසක මුදලක් වැය කරනවා. ඒ මුදල ගෙවලා තිබෙන්නේ යුද හමුදා බුද්ධි අංශයෙන්. ස්වයං ඝාතකයින් ආරක්ෂා කරගන්න අපේ මහජන මුදල් වැය කර තිබෙනවා. එසේ කරලා තිබෙන්නේ මාස හයකින් එළඹෙන ඡන්දය තෙක් මෙම අන්තවාදී ක්රියා සම්බන්ධ තොරතුරු හෙළිදරව් වීම වැළැක්වීමටයි. පිල්ලයාන්ගේ කල්ලිය සහ යුද හමුදා බුද්ධි අංශය එකට කටයුතු කර තිබෙනවා. එසේ කටයුතු කර තිබෙන්නේ රටේ රාජ්ය ආරක්ෂාව වෙනුවෙන් නෙමෙයි. දේශපාලන විරුද්ධවාදීන්ගෙන් පළිගැනීමට හා ඝාතන සිදු කරන්නයි එසේ කටයුතු කරලා තිබෙන්නේ. අසාද් මවුලානාගේ ප්රකාශයෙන් හෙළිදරව් වෙලා තිබෙනවා පිල්ලයන්ගේ කල්ලිය සහ යුද හමුදා බුද්ධි අංශය එක්ව සිදුකළ අපරාධ ගැන.
මාධ්යවේදීන් වන ප්රගිත් එක්නැලිගොඩ පැහැරගෙන යාම කීත් නොයාර්ට පහර දීම, ලසන්ත වික්රමතුංග ඝාතනය, උපාලි තෙන්නකෝන්ට පහර දීම වැනි කටයුතුවලට මෙම කල්ලි සම්බන්ධ වී තිබෙනවා. පිල්ලයාන්ගේ කල්ලියේ දෙදහකට අධික පිරිසකට යුද හමුදා බුද්ධි අංශයෙන් වැටුප් ගෙවා තිබෙනවා. ඒ රාජ්ය ආරක්ෂාව වෙනුවෙන් නෙවෙයි. දේශපාලන කොන්ත්රාත් කරන්නයි මේ වගේ දේවල් කරලා තියෙන්නේ. මෙවැනි ක්රියා වැළැක්වීමට කටයුතු කරන්න කියලා මම යුද හමුදාපතිවරයාට ලිඛිතව දැනුම් දීලා තිබෙනවා. මෙවැනි ක්රියා දිගටම සිදුවුණොත් යුද හමුදාපතිවරයාවත් සැකකරුවෙක් හැටියට අධිකරණයට ගේන්න වෙනවා තොරතුරු වසන් කිරීම සම්බන්ධව.
පාස්කු ප්රහාරයෙන් පසුව අසාත් මවුලානාගේ පවුලේ අයව අහුන්ගල්ලේ හෝටලයකට ගෙන්වාගෙන තිබෙනවා. සුරේෂ් සලේ විසින් තමයි එය කර තිබෙන්නේ. තානාපති කාර්යාලයේ රැකියාවක් ලබා දෙන බවටත් ඔහුට සඳහන් කර තිබෙනවා. මේ හෝටලේ ලොග් පොත්වල සටහන් සියල්ල අපි ලබාගෙන තිබෙනවා.
ස්වාමීනි… රැඳවුම් භාරයේ පසුවන සැකකාර සුරේෂ් සලේ අධිකරණයට ඉදිරිපත් කිරීම සම්බන්ධයෙන් මම තරයේ විරුද්ධ වෙනවා. ඔහුගේ ජීවිතයට තර්ජන එල්ල වෙලා තිබෙනවා. මේක ඔහුට වේදිකාවක් කරගන්න ඉඩ දෙන්න බෑ. මේ දවස්වල පුද්ගලයින් අභිරහස් ආකාරයට මිය යනවා. ඒ නිසා මේ සැකකරු අධිකරණයට ඉදිරිපත් කරන ලෙස පූර්වගාමී මහේස්ත්රාත්වරයා විසින් කළ නියෝගය ඉවත් කරන ලෙස මා ඉල්ලා සිටිනවා. සැකකාර සුරේෂ් සලේ අපරාධ නඩු විධාන සංග්රහයේ 127 වන වගන්තිය යටතේ මහේස්ත්රාත්වරයාට ප්රකාශයක් කිරීමට අවසර ඉල්ලා තිබෙනවා. මේක මේ විමර්ශනය අඩාල කරන්න කරනු ලබන උත්සාහයක්. සංවිධානාත්මක කල්ලියකට අවශ්ය වෙලා තිබෙනවා මේ විමර්ශනය අඩාළ කරන්න. මේ විමර්ශනය නවත්වන්නයි බලාගෙන ඉන්නේ.
කිසිදු සැකයක් නෑ. සුරේෂ් සලේ තමයි පාස්කු ප්රහාරයේ ප්රධාන ග්රහයා. ඔහු වටේ තමයි අනෙකුත් ග්රහයින් කැරකිලා තියෙන්නේ. සුරේෂ් සලේ මේ ක්රියාව කළේ කා වෙනුවෙන්ද? ඒ ගැනත් අපි පරීක්ෂණය කරනවා. පරීක්ෂණ කරලා ඊට වගකිව යුතු ප්රධාන පුද්ගලයින් නීතිය ඉදිරියට ගේන්න අපි කටයුතු කරනවා.
පාස්කු ප්රහාරයට පෙර මේ ප්රහාරය එක්කෝ උතුරු පළාතේ හමුදා කණ්ඩායමක් කේන්ද්ර කරගෙන කරන්න සූදානම් කරලා තිබුණා. ඒ වගේම දකුණේ සමූල ඝාතනයක් සිදු කරන්නත් සැලසුම් කරලා තිබුණා. පසුව මොවුන් ඒ සැලසුම් දෙකම අතහැරලා තමයි පාස්කු ඉරුදින ප්රහාරය එල්ල කිරීමට අවශ්ය කටයුතු කළේ. මාස හයකින් එළැඹීමට නියමිත ඡන්දයක් ඉලක්ක කරගෙන සැකකාර සුරේෂ් සලේගේ මෙහෙයවීමෙන් තමයි මෙම ක්රියාව සිදුවෙලා තිබෙන්නේ.” යනුවෙන් අනාවරණය කර ඇත.
ඉන් අනතුරුව සැකකාර සුරේෂ් සලේ වෙනුවෙන් ජනාධිපති නීතීඥ ශවින්ද්ර ප්රනාන්දු කරුණු දැක්වමින්, ප්රංශයට ගොස් අසාත් මවුලානා නමැත්තාගෙන් සටහන් කර ගත් බව කියන කරුණු සාක්ෂි වශයෙන් පිළිගත නොහැකි බවත් එසේ පිළිගැනීමට නම් ඒවා අධිකරණය හමුවේ හරස් ප්රශ්න අසා අභියෝගයට ලක්විය යුතු බවත් සඳහන් කර තිබේ.
ඔහු මේ ප්රකාශය සිදු කළ චැනල් ෆෝ නාලිකාව බ්රිතාන්ය තුළ කිසිදු විශ්වාසනීයත්වයකින් තොර නාලිකාවක් ලෙස ප්රකට වී තිබෙන බවත් ඔහු අධිකරණය ඉදිරියේ සඳහන් කර ඇත.
ඉන් අනතුරව අගරදගුරු හිමිපාණන් ඇතුළු අගතියට පත් වූවන් වෙනුවෙන් ජනාධිපති නීතිඥ රියන්සි අර්සකුලරත්න කරුණු දකව්මින් පැවසුවේ සැකකරු අධිකරණයට ඉදිරිපත් කිරීම සුදුසු නොවන බවයි.
සියලු පාර්ශ්ව ඉදිරිපත් කළ කරුණු සලකා බැලූ මහේස්ත්රාත් රැඳවුම් භාරයේ පසුවන සැකකාර සුරේෂ් සලේ අධිකරණයට ඉදිරිපත් නොකරන ලෙසට පැමිණිල්ල විසින් කළ ඉල්ලීම පිළිබඳ නියෝගයද මහේස්ත්රාත් ඉදිරියේ ප්රකාශයක් ලබාදීම සඳහා සුරේෂ් සලේ කළ ඉල්ලීම පිළිබඳ නියෝගයද ජූලි මස 01 වනදා ප්රකාශයට පත්කරන බව නිවේදනය කර ඇත.
