තම වත්කම් සම්බන්ධයෙන් අසත්ය සහ ද්වේශ සහගත පුවත් ප්රචාරය කරමින් කීර්ති නාමයට හානි කළ බවට චෝදනා කරමින්, ජනතා විමුක්ති පෙරමුණේ දේශපාලන මණ්ඩල සභික, කෘෂිකර්ම, පශු සම්පත්, ඉඩම් සහ වාරිමාර්ග අමාත්ය කේ.ඩී. ලාල්කාන්ත මහතා ඒෂියා බ්රෝඩ්කාස්ටිං කෝපරේෂන් (ප්රයිවට්) ලිමිටඩ් හෙවත් ‘හිරු ටීවී’ ආයතනයට එරෙහිව දැඩි නීතිමය පියවර ගෙන තිබේ.
සිද්ධියට පාදක වූ කරුණු:
2023 අංක 09 දරන දූෂණ විරෝධී පනතට අනුව අමාත්යවරයා විසින් අල්ලස් කොමිසමට ඉදිරිපත් කළ වත්කම් ප්රකාශය පදනම් කරගනිමින්, හිරු ටීවී නාලිකාව පසුගිය අප්රේල් 16 වනදා පුවතක් පළ කර තිබුණි. එහිදී අමාත්යවරයා සතුව රුපියල් කෝටි 46කට අධික වත්කම් පවතින බවට අසත්ය ගණනය කිරීමක් ඉදිරිපත් කර තිබූ අතර, පසුව එම නාලිකාව විසින්ම එම අගය රුපියල් කෝටි 8ක් දක්වා සංශෝධනය කර තිබුණි.
මෙහිදී වඩාත් බරපතලම කරුණ වන්නේ, අමාත්යවරයාගේ දියණිය සතු රුපියල් 143,000ක (මුල් වටිනාකම රුපියල් 90,000ක) කොටස් හිමිකාරීත්වයක්, හිතාමතාම විකෘති කරමින් රුපියල් කෝටි 38ක් ලෙස ප්රචාරය කිරීමයි.
ගෙන ඇති නීතිමය පියවර:
- සිවිල් අපහාස නඩුව: අමාත්යවරයාගේ කීර්ති නාමයට සිදුවූ හානිය වෙනුවෙන් රුපියල් බිලියන 10ක වන්දියක් ඉල්ලා සිය නීතිඥයන් මාර්ගයෙන් එන්තරවාසියක් යොමු කර ඇත.
- විදුලි සන්දේශ නියාමන කොමිෂන් සභාව (TRCSL): හිරු ටීවී නාලිකාවට නිකුත් කර ඇති විකාශන සංඛ්යාත බලපත්ර කොන්දේසි බරපතල ලෙස උල්ලංඝනය කිරීම සම්බන්ධයෙන් අද (2026.04.22) දින TRC වෙත පැමිණිල්ලක් ඉදිරිපත් කරන ලදී.
- ජනමාධ්ය අමාත්යාංශය: අසත්ය සහ ද්වේශ සහගත පුවත් ප්රචාරය කිරීම සම්බන්ධයෙන් ජනමාධ්ය හා සෞඛ්ය අමාත්යාංශයේ ලේකම්වරයා වෙත ද ඊයේ (2026.04.21) දින පැමිණිල්ලක් ඉදිරිපත් කර තිබේ.
මහනුවර දිස්ත්රික්කයෙන් මනාප ලක්ෂ 3කට අධික සංඛ්යාවක් ලබාගත් ජනතා නියෝජිතයෙකු ට, මාධ්ය විසින් සිදුකරන මෙම “චරිත ඝාතනය” දේශපාලන අරමුණක් සහිතව සිදුකරන ලද්දක් බව පෙනේ . එසේම මාධ්ය නිදහස යනු ඕනෑම අසත්යයක් ප්රචාරය කිරීමට හෝ දත්ත විකෘති කිරීමට ඇති බලපත්රයක් නොවේ.
මෙම සිද්ධිය සම්බන්ධයෙන් අදහස් දක්වන විචාරකයින් පෙන්වා දෙන්නේ, අමාත්යවරයෙකු වැනි ප්රසිද්ධ පුද්ගලයෙකුට පවා මෙවැනි අසත්ය ප්රචාර හමුවේ අනාරක්ෂිත වීමට සිදුවේ නම්, සාමාන්ය වැසියෙකුට මාධ්ය ඉදිරියේ ඇති ආරක්ෂාව අතිශය අවම බවයි. එබැවින් වගකීම් විරහිත ලෙස හැසිරෙන මාධ්ය ආයතනවලට මෙවැනි නීතිමය ක්රියාමාර්ග හරහා නිසි පාඩමක් ඉගැන්වීම අත්යවශ්ය කරුණකි.
රජයේ පොදු දේපළක් වන ‘සංඛ්යාත’ භාවිතා කරමින් සිදුකරන මෙම සදාචාර විරෝධී මාධ්ය භාවිතය සම්බන්ධයෙන් විධිමත් විමර්ශනයක් පවත්වන ලෙස අමාත්යවරයා අදාළ බලධාරීන්ගෙන් ඉල්ලා සිටී.
