දිට්වා සුළි කුණාටුව හේතුවෙන් නානුඔය සහ අඹේවෙල දුම්රිය ස්ථාන අතර නායයාමට ලක් වූ දුම්රිය මාර්ගයේ ප්රතිසංස්කරණ කටයුතු සාර්ථකව අවසන් කර ඇති බව නානුඔය ඉහළ දිස්ත්රික් දුම්රිය විධායක ඉංජිනේරු දනුෂ්ක දිසානායක තහවුරු කරයි. මාර්ගයේ සුරක්ෂිතභාවය තහවුරු කිරීම සඳහා පැවැත්වූ නිරීක්ෂණ චාරිකාව ද සාර්ථකව නිම කර ඇති බව ඔහු වැඩිදුරටත් ප්රකාශ කළේය.
ජාතික ගොඩනැගිලි පර්යේෂණායතනය සහ පෞද්ගලික අංශය එක්ව දුම්රිය දෙපාර්තමේන්තුවේ සෘජු අධීක්ෂණය යටතේ මෙම ප්රතිසංස්කරණ මෙහෙයුම ක්රියාත්මක කරන ලදී. දැඩි කාලගුණික බලපෑම් මධ්යයේ වුවද නායගිය දුම්රිය මග කඩිනමින් යථා තත්ත්වයට පත් කිරීමට විමර්ශන සහ ඉංජිනේරු කණ්ඩායම් සමත්ව තිබේ.
මෙම ආපදා තත්ත්වය හේතුවෙන් මෙතෙක් කාලයක් මගී දුම්රිය ධාවනය සීමා වී තිබුණේ අඹේවෙල සහ බදුල්ල අතර පමණි. මාර්ගය පිළිසකර කිරීමෙන් අනතුරුව, එළඹෙන ජුනි මස 20 වන දින සිට අදාළ දුම්රිය ධාවන කටයුතු නානුඔය දුම්රිය ස්ථානයේ සිටම ආරම්භ කිරීමට නියමිත බව දනුෂ්ක දිසානායක වැඩිදුරටත් අනාවරණය කළේය.
මෙම පියවර හරහා උඩරට දුම්රිය මාර්ගයේ ගමනාගමනය යළිත් සාමාන්ය තත්ත්වයට පත් වනු ඇතැයි අපේක්ෂා කෙරේ.
