කොළඹ පිහිටි විපක්ෂ නායක කාර්යාලයේදී 2026 ජූලි 23 වනදා රැස් වූ දේශපාලන නායකයින්ගේ සාකච්ඡාවකදී හිටපු ජනාධිපති රනිල් වික්රමසිංහ විසින් මතු කරන ලද මූලික සංකල්පයක් අනුව, ඔහුගේ නියෝගය මත විපක්ෂ නායක සජිත් ප්රේමදාස ප්රමුඛ සමගි ජන බලවේගය මන්ත්රී කණ්ඩායම විසින් කතානායකවරයා වෙත විශේෂ යෝජනාවක් ඉදිරිපත් කර තිබේ. ඒ, ශ්රී ලංකාවේ අධිකරණ පද්ධතියේ පවතින නඩු ප්රමාදය වැළැක්වීම සඳහා විශේෂ පාර්ලිමේන්තු තේරීම් කාරක සභාවක් පත් කරන ලෙස ඉල්ලමිනි.
අධිකරණ අමාත්යාංශයේ දත්තවලට අනුව මේ වන විට මෙරට අධිකරණ පද්ධතිය තුළ විභාග වෙමින් පවතින සහ ප්රමාදයට ලක්ව ඇති නඩු සංඛ්යාව මිලියන 1.1ක් (ලක්ෂ 11ක්) ඉක්මවා ගොස් ඇත. මෙම තත්ත්වය නීතියේ ආධිපත්යයට සහ යුක්තිය පසඳලීමේ ක්රියාවලියට සිදු කරන බාධා නිරාකරණය කිරීම මෙම යෝජනාවේ මූලික අරමුණයි.
පාර්ලිමේන්තු ස්ථාවර නියෝග 100 සිට 110 දක්වා වූ විධිවිධාන යටතේ මෙම යෝජනාව ඉදිරිපත් කර ඇති අතර, එමඟින් නඩු කටයුතු කඩිනම් කිරීම සඳහා අවශ්ය කෙටිකාලීන, මධ්යකාලීන සහ diliගුකාලීන ක්රියාමාර්ග හඳුනාගැනීමටත්, අදාළ පාර්ශ්වකරුවන්ගේ අදහස් ලබා ගැනීමටත් අවස්ථාව සැලසේ.
අධිකරණයේ ස්වාධීනත්වය සුරැකීම, ප්රමාදයන් වැළැක්වීම සහ බන්ධනාගාරවල පවතින අධික තදබදයට පිළියම් සෙවීම සම්බන්ධයෙන් විපක්ෂ නායක කාර්යාලයේ පැවති සාකච්ඡාවලදී අවධානය යොමු වූ අතර, එහිදී රනිල් වික්රමසිංහ ලබාදුන් නියෝගවලට අනුව සමගි ජන බලවේගයේ මන්ත්රීවරුන්ගේ අත්සනින් යුත් අදාළ යෝජනාව පාර්ලිමේන්තු ලේකම් මණ්ඩලය හරහා කතානායකවරයා වෙත ඉදිරිපත් කිරීමට පියවර ගෙන තිබේ.
විනිසුරු පුරප්පාඩු, නීතිපති දෙපාර්තමේන්තුවේ නිලධාරී හිඟය, රස පරීක්ෂක හා තක්සේරු වාර්තා ප්රමාද වීම මෙන්ම පවත්නා පාලන ක්රමවේදවල යටිතල පහසුකම් ප්රමාණවත් නොවීම මෙම නඩු ගොඩගැසීමට ප්රධාන හේතු වී ඇති බව නීති ක්ෂේත්රයේ විශ්ලේෂකයෝ පෙන්වා දෙති. මෙම තත්ත්වය මඟහැරවීම සඳහා අධිකරණ ක්ෂේත්රය ඩිජිටල්කරණය කිරීම, විකල්ප ආරවුල් නිරාකරණ ක්රමවේද (ADR) භාවිතය සහ යටිතල පහසුකම් සංවර්ධනය කිරීම කෙරෙහි අවධානය යොමු කිරීම සුවිශේෂී වන අතර, යෝජිත තේරීම් කාරක සභාව මඟින් මෙම කාර්යයන් වඩාත් සාර්ථක වනු ඇතැයි අපේක්ෂා කෙරේ.
