ජනාධිපති අනුර කුමාර දිසානායක මහතා සඳහන් කළේ, සාමාන්‍ය මහජනතාව වෙනුවෙන් විශේෂ දළදා ප්‍රදර්ශනයක් සිංහල හා දෙමළ අලුත් අවුරුද්දෙන් පසු පැවැත්වීමට සැලසුම් කර ඇති බවයි.
🔹 මල්වතු, අස්ගිරි මහා නාහිමිවරුන් සමඟ සාකච්ඡා
එය සාර්ථකව සංවිධානය කිරීම සඳහා මධ්‍යම පළාත් ආණ්ඩුකාර, මහනුවර දිස්ත්‍රික් ලේකම්, රාජ්‍ය නිලධාරීන් සහ දළදා මාළිගාවේ දියවඩන නිලමේ ඇතුළු පිරිස සමඟ සාකච්ඡා කර එකඟතාවයකට පැමිණි බව ජනාධිපතිවරයා පවසයි.
🔹 ජනාධිපතිවරයාගේ මහනුවර සංචාරය
මල්වතු මහා විහාරය – මහානායක හිමිවරුන් බැහැදැක ආශිර්වාද ලබා ගෙන, මහා සංඝරත්නයෙන් සෙත්පිරිත් සජ්ජායනා ලැබීය.
අස්ගිරි මහා විහාරය – අස්ගිරි මහානායක හිමිවරුන් බැහැදැක සාකච්ඡා කළ අතර, එහිදීද ආශිර්වාද ලබා ගත්තා.
🔹 පාතාල අපරාධ පිළිබඳ ජනාධිපති ප්‍රකාශය
ජාතික ආරක්ෂාවට කිසිඳු තර්ජනයක් නොමැති බව ජනාධිපතිවරයා ප්‍රකාශ කළේය.
පාතාල කණ්ඩායම් අතර ඇති ගැටුම් මහජන ආරක්ෂාවට තර්ජනයක් නොවූවත්, එය මැඩ පැවැත්වීමට රජය දැඩිව ක්‍රියා කරන බවත්, මෙතෙක් දේශපාලන රැකවරණය යටතේ වර්ධනය වූ පාතාලය මැඩපැවැත්වීමට රජය කැපවී ඇති බවත් අවධාරණය කළේය.
🔹 පළාත් පාලන මැතිවරණය පිළිබඳව
ජනාධිපතිවරයා ප්‍රකාශ කළේ, පළාත් පාලන මැතිවරණය ඉතා ඉක්මණින් පැවැත්වීමට රජය බලාපොරොත්තු වන අතර, ඒ සඳහා කිසිඳු නීතිමය බාධාවක් නොමැති බවයි.
මැතිවරණය සඳහා අවශ්‍ය මුදල්ද රජය වෙන් කර ඇති අතර, මැතිවරණ කොමිසම විසින් ඉතාදුරටත් දින නියම කරනු ඇතැයි විශ්වාස කරන බව ජනාධිපතිවරයා වැඩිදුරටත් පැවසීය.
මේ අවස්ථාවට ඇමති සමන්ත විද්‍යාරත්න, නියෝජ්‍ය ඇමතිවරුන්, මහනුවර දිස්ත්‍රික් පාර්ලිමේන්තු මන්ත්‍රීනියන්, දියවඩන නිලමේ ඇතුළු රාජ්‍ය පිරිස් එක්ව සිටියහ.
