විදේශ කටයුතු, විදේශ රැකියා සහ සංචාරක අමාත්‍ය විජිත හේරත්, සිව් දින නිල සංචාරයක් සඳහා හෙට (08) සෞදි අරාබිය බලා පිටත්ව යාමට නියමිතය.
මෙම සංචාරයේ ප්‍රධාන අරමුණ, රියාද් නුවරදී පැවැත්වෙන ලෝක සංචාරක සංවිධානයේ (UNWTO) 26 වන මහා සභා සැසිවාරයට සහභාගී වීමයි. නොවැම්බර් 11 වනදා දක්වා මෙම සංචාරය පැවැත්වේ.
සංචාරය අතරතුර, අමාත්‍යවරයා UNWTO හි ඉහළ පෙළේ සැසිවාර කිහිපයකට සහභාගී වීමට නියමිත අතර, එහි සාමාජික රටවල් රැසක නියෝජිතයින් සමග ද්විපාර්ශ්වික සාකච්ඡා පැවැත්වීමටද සැලසුම් කර තිබේ.
1975 දී ආරම්භ කරන ලද ලෝක සංචාරක සංවිධානයේ ආරම්භක සාමාජිකයෙකු ලෙස ශ්‍රී ලංකාව කටයුතු කිරීමද මෙහිදී විශේෂත්වයකි.
