ළමුන් සිඟමනේ යෙදවීම සහ අනතුරුදායක රැකියාවල නිරත කිරීම සපුරා තහනම් කිරීමට කැබිනට් අනුමැතිය

ළමුන් වීදිවල සිඟමනේ යෙදවීම, භාණ්ඩ අලෙවිය සහ ගෘහ සේවය වැනි අනතුරුදායක රැකියාවලින් මුදවා ගැනීම සඳහා පවතින නීති දැඩිව ක්‍රියාත්මක කිරීමට කැබිනට් මණ්ඩල අනුමැතිය හිමි වී තිබේ. කාන්තා හා ළමා කටයුතු අමාත්‍යවරියගේ යෝජනාවකට අනුව, 2025 ජූලි 01 වැනිදා සිට වයස අවුරුදු 16ට අඩු දරුවන් සිඟමනේ හෝ වෙළෙඳාමේ යෙදවීමත්, වයස 16ත් 18ත් අතර දරුවන් ගෘහ සේවය ඇතුළු අනතුරුදායක රැකියාවල නිරත කිරීමත් සපුරා තහනම් වනු ඇත. මෙම නීති බලාත්මක කිරීමට සමගාමීව, ඒ පිළිබඳ පුළුල් මහජන දැනුවත් කිරීමේ වැඩසටහනක් දියත් කිරීමට ද රජය තීරණය කර ඇත.