ජර්මන් තානාපති ආචාර්ය ෆීලික්ස් නියුමාන් ඊයේ ජනතා විමුක්ති පෙරමුණේ මහලේකම් ටිල්වින් සිල්වා හමුවුණා. ඒ ජනතා විමුක්ති පෙරමුණ මූලස්ථානයේදී.
ශ්‍රී ලංකාව තුළ ක්‍රියාත්මක වන ක්ලීන් ශ්‍රී ලංකා වැඩසටහන, ග්‍රාමීය දුප්පත්බව තුරන් කිරීම, වංචා දූෂණ වැළැක්වීම හා ජාතිවාදී ප්‍රවණතා වැලැක්වීමට ලබා දී ඇති ප්‍රමුඛතා සම්බන්ධයෙන් මෙහිදී දීර්ඝ වශයෙන් සාකච්ඡා කෙරුණා. ත්‍රස්තවාදය වැළැක්වීමේ පනත ඉවත් කිරීම සම්බන්ධයෙන්ද මෙහිදී සාකච්ඡා කළ අතර නව ව්‍යවස්ථාවක් සම්පාදනය කිරීම සම්බන්ධයෙන් ද අවධානයට ලක්වුණා.
මෙහිදී ජර්මන් ටෙක් ආයතනය සහ සංහිඳියාව, ඩිජිටල්කරණය සම්බන්ධයෙන් ජර්මානු පාර්ශවයෙන් දක්වන දායකත්වයන් සම්බන්ධයෙන් විමුක්ති පෙරමුණේ මහලේකම්වරයා විසින් පැසසුමට ලක්කරනු ලැබුවා.
