හැකි ඉක්මනින් නීති ගෙනැවිත් හොරකම් කරන ලද සහ අයථා ලෙස ධනය ඉපැයූ පුද්ගලයින් සම්බන්ධයෙන් කටයුතු කරන ලෙස ඉල්ලා සිටින බව ශ්‍රී ලංකා පොදුජන පෙරමුණේ මහ ලේකම් සාගර කාරියවසම් පවසනවා.
එවිට ජනතාව ඉදිරියට ගොස් ‘ජාතික වීරයා මහින්ද රාජපක්ෂ’ බව බය නැතිව ප්‍රකාශ කළ හැකි බවත්, එතුමාගේ පක්ෂයේ අය ලෙස තමන් නැවතත් රට සංවර්ධනය කිරීමට ඉදිරියට පැමිණෙන බවට ප්‍රකාශ කළ හැකි බවයි ඊයේ (24) මාධ්‍ය හමුවකට එක්වෙමින් හිටපු මන්ත්‍රීවරයා සඳහන් කළේ.
ජනතා විශ්වාසය ගිලිහුණු පසුව, එය නැවත ගොඩ ගැනීම එක රැයකින් කිරීමට නොහැකි බවද, ජනතාව රැවටීමට ලක් කිරීම තුළින් ශ්‍රී ලංකා පොදුජන පෙරමුණෙන් ජනතාව ඈත් කළ බවද හිටපු මන්ත්‍රීවරයා ප්‍රකාශ කළා.
එම රැවටුණු ජනතාව මේ වන විට ඇත්ත තේරුම් ගනිමින් ඇති බවයි ශ්‍රී ලංකා පොදුජන පෙරමුණේ මහ ලේකම් සාගර කාරියවසම් වැඩිදුරටත් ප්‍රකාශ කළේ.
