වත්මන් රජයේ ජනප්රියත්වය 65% දක්වා ඉහළ ගොස් ඇති බව වෙරිටේ රිසර්ච් (Verité Research) ආයතනය නිකුත් කළ නවතම සමීක්ෂණ වාර්තාව මගින් අනාවරණය කර තිබේ. මෙම ප්රතිශතය මත පදනම්ව සිදුකරන ලද සෛද්ධාන්තික විශ්ලේෂණයන්ට අනුව, විපක්ෂයට පාර්ලිමේන්තු මන්ත්රී ධුර අවම වශයෙන් 04ක් අහිමි වීමේ අවදානමක් නිර්මාණය වී ඇති බව ද එම වාර්තාව පෙන්වා දෙයි.
මෙම සමීක්ෂණයේදී හුදු ජනප්රියත්වයට අමතරව, රටේ ගුණාත්මක තත්ත්වය නිරූපණය කරන ප්රධාන දර්ශක තුනක් කෙරෙහි විශ්ලේෂකයින්ගේ විශේෂ අවධානය යොමු වී ඇත.
- ආර්ථික තත්ත්වය: රනිල් වික්රමසිංහ සහ පොහොට්ටු හවුල් පාලනය පැවති 2024 ජූලි මාසයේදී ආර්ථිකය කෙරෙහි ජනතා විශ්වාසය පැවතියේ 28%ක් වැනි අඩු අගයකය. වත්මන් රජය බලයට පත් වූ 2025 පෙබරවාරි මාසයේදී එය 35%ක් වූ අතර, මේ වන විට එම අගය 57% දක්වා දෙගුණයකින් ඉහළ ගොස් තිබේ.
- ආර්ථිකයේ ඉදිරි දැක්ම: 2024 ජූලි මාසයේදී ආර්ථිකයේ අනාගතය පිළිබඳ විශ්වාසය 30%ක්ව පැවති අතර, වර්තමානය වන විට එය 64% දක්වා වර්ධනය වී ඇත.
- රට ගැන තෘප්තිය: 2024 ජූලි මාසයේදී රටේ තත්ත්වය ගැන තෘප්තිමත් වූයේ ජනතාවගෙන් 17%ක් පමණි. එහෙත් මේ වන විට එම අගය තුන් ගුණයකින් ඉහළ ගොස් 59%ක් ලෙස වාර්තා වේ.
වත්මන් පාලනය යටතේ ආර්ථිකය ගුණාත්මකව වර්ධනය වන බවත්, ජනතාව ඒ පිළිබඳ අවබෝධයෙන් යුතුව සුබවාදී ආකල්පයක පසුවන බවත් මෙම දත්ත මගින් තහවුරු වන බව ආර්ථික විශ්ලේෂකයෝ පෙන්වා දෙති.
