වත්මන් ආණ්ඩුව රාජ්‍ය සේවකයින්ට එරෙහිව දැඩි මර්දනයක් දියත් කරමින් සිටින බවට පාර්ලිමේන්තු මන්ත්‍රී නාමල් රාජපක්ෂ චෝදනා කරයි. රට මේ වන විට අභියෝගාත්මක කාල පරිච්ඡේදයක් පසුකරමින් සිටින බවද ඔහු සඳහන් කළේය.
මහනුවර ශ්‍රී දළදා මාලිගාව වැඳ පුදා ගැනීමෙන් අනතුරුව මාධ්‍ය වෙත අදහස් දක්වමින් නාමල් රාජපක්ෂ මේ බව ප්‍රකාශ කළේය.
මෙහිදී තවදුරටත් අදහස් දැක්වූ ඔහු, “ශ්‍රී ලංකා පොලීසිය සම්පූර්ණයෙන්ම දේශපාලනීකරණය වෙලා. ජාතික ආරක්ෂාව බිඳවැටිලා,” යනුවෙන් පැවසීය. එමෙන්ම, රජය විසින් පනවා ඇති අධික බදු බර හේතුවෙන් මහජනතාව දැඩි දුෂ්කරතාවකට පත්ව සිටින බවද ඔහු පෙන්වා දුන්නේය.
“මේ රටේ අසාධාරණයට ලක්වූ හැමෝටම මම ආරාධනා කරනවා, නොවැම්බර් 21 වනදා නුගේගොඩදී පැවැත්වෙන විපක්ෂයේ රැලියට සහභාගී වෙන්න කියලා. මේක කවුරුත් රජ කරවන්න කරන විරෝධතාවක් නෙවෙයි. මේක, ජනතාව වෙනුවෙන් ආණ්ඩුව දුන් පොරොන්දු ඉටු කරවා ගන්න කරන විරෝධතා රැලියක්,” යැයි නාමල් රාජපක්ෂ වැඩිදුරටත් කියා සිටියේය.
