සජිත් ප්‍රේමදාස නායකත්වය දරන සමගි ජන බලවේගයේ පාර්ලිමේන්තු මන්ත්‍රීවරු කිහිප දෙනෙකු සහ ජලනි ප්‍රේමදාසගේ සමීපතමයින් කිහිප දෙනෙකු මේ වනවිට දැඩි අන්තවාදී ප්‍රකාශ සිදු කිරීමට පටන් ගෙන තිබේ.
මේ බව මනාව හෙළි වී තිබෙන්නේ වතු කම්කරු ජනතාවට දිනකට රුපියල් 200ක පැමිණීමේ දිරි දීමනාවක් අයවැය මගින් යෝජනා කිරීම සහ ශ්‍රී ලංකා ජාතික දිනය සම්බන්ධයෙන් එම පිරිස නිකුත් කරන ප්‍රකාශ මගිනි. වතු කම්කරු ප්‍රජාවට රුපියල් 200ක දිරි දීමනාව ලබා දීම වැළැක්වීම සඳහා නීතිමය ක්‍රියාමාර්ග ගන්නා බව රෝහිණි කවිරත්ත මන්ත්‍රිවරිය විවෘතව ම ප්‍රකාශ කර තිබේ.
ඊට අමතරව, ජලනි ප්‍රේමදාස සහ සජිත් ප්‍රේමදාසගේ සමීප හිතවතෙකු වන චරිත් අබේසිංහ ශ්‍රී ලංකා දිනය ඉලක්ක කර ගනිමින් නාමල් රාජපක්ෂ ඇතුළු රාජපක්ෂ කඳවුර සමඟ එක්වී විවිධ විකෘති ප්‍රකාශ සිදු කරමින් සිටී. මේ ආකාරයට විවෘත තලයේ සහ උපක්‍රමශීලි යන දෙයාකාරයෙන් ම විවිධ අන්තවාදී සහ ජාතිවාදී ප්‍රකාශ කිරීමට එම පක්ෂයේ බොහෝ දෙනෙකු මෑතක සිට එක් වී සිටිති.
