‘අස්වැසුම’ සුබසාධක ප්‍රතිලාභ වැඩසටහනේ පළමු අදියර යටතේ, 2025 නොවැම්බර් මාසයට අදාළ දීමනාව අද (13) දින ප්‍රතිලාභීන්ගේ බැංකු ගිණුම් වෙත බැර කිරීමට නියමිතය.
සුබසාධක ප්‍රතිලාභ මණ්ඩලය නිවේදනයක් නිකුත් කරමින් සඳහන් කරන්නේ, ඒ අනුව රුපියල් 11,232,408,705ක (රුපියල් එකොළොස් බිලියන දෙසිය තිස් දෙමිලියන හාරසිය අට දහස් හත්සිය පහක) මුදලක් ප්‍රතිලාභී පවුල් 1,415,738ක් වෙත බෙදා හරින බවයි.
මෙම මුදල් අද දිනය තුළ අදාළ ප්‍රතිලාභීන්ගේ බැංකු ගිණුම්වලට බැර කිරීමට සියලු කටයුතු සූදානම් කර ඇති බවද එම මණ්ඩලය වැඩිදුරටත් කියා සිටී.
