ජල මූලාශ්‍රවල මතුපිට පාවෙන අපද්‍රව්‍ය ස්වයංක්‍රීයව එකතු කළ හැකි, 5G තාක්ෂණයෙන් ක්‍රියාත්මක වන රොබෝ යන්ත්‍රයක් ශ්‍රී ලංකාවට හඳුන්වා දීමට සමුද්‍රීය පරිසර ආරක්ෂණ අධිකාරිය පියවර ගෙන තිබේ.
මෙම නවීන තාක්ෂණික උපාංගය ශ්‍රී ලංකාවට හඳුන්වා දීමේ සමාරම්භක වැඩසටහන, පරිසර අමාත්‍ය වෛද්‍ය ධම්මික පටබැඳිගේ ප්‍රධානත්වයෙන් අද (11) පැවැත්වේ.
මෙම රොබෝ යන්ත්‍රය, ජල මූලාශ්‍ර පිරිසිදුව තබා ගැනීමටත්, එමගින් සමුද්‍ර පරිසර පද්ධතියට සිදුවන හානිය අවම කිරීමටත් ඉවහල් වනු ඇතැයි අපේක්ෂා කෙරේ. 5G තාක්ෂණය උපයෝගී කරගනිමින් දුරස්ථව ක්‍රියාත්මක කළ හැකි වීම මෙහි විශේෂත්වයකි.
