ඖෂධවලට උපරිම සිල්ලර මිලක් පනවමින් ඊයේ (26) සෞඛ්‍ය අමාත්‍යාංශය අතිවිශේෂ ගැසට් නිවේදනයක් නිකුත් කර තිබේ.
ඩොලරයේ අගය වෙනස්වීම මත මෙම උපරිම සිල්ලර මිල වෙනස් විය හැකි බව සෞඛ්‍ය ඇමැති, නලින්ද ජයතිස්ස විසින් නිකුත් කර ඇති එම ගැසට් නිවේදනයේ සඳහන් වේ.
එම ගැසට් නිවේදනයට අනුව මෙම උපරිම සිල්ලර මිල නිර්ණය කෙරෙන්නේ යම් ඖෂධයක් සඳහා වන පිරිවැය, රක්ෂණය, ප්‍රවාහන වියදම්, සැපයුම් දාමයේ වියදම් ප්‍රතිශතය සහ තීරු බදු සහ බදු එකතු වීමෙනි.
එමෙන්ම මහ බැංකුවේ විනිමය අනුපාතිකය මත බලධාරීන් නිකුත් කරන ගෙවුණු මාස 03ක් ඇතුළත ඇමරිකානු ඩොලරයේ විකුණුම් මිල අනුපාතිකයේ සාමාන්‍ය අගය ද මෙහිදී සලකා බලයි.
වසරකට දෙවතාවක් මෙය සමාලෝචනය කිරීමට ඖෂධ නියාමන අධිකාරියට අවස්ථාව ලැබේ.
ඩොලරයේ විකුණුම් මිල වෙනස්වීම මත මහජන සුබසිද්ධිය උදෙසා ඖෂධ සඳහා වන උපරිම සිල්ලර මිල වෙනස් විය හැකි බව නිවේදනයේ සඳහන්වේ.
එසේම මේ සමග ඖෂධ සඳහා උපරිම මිල යාන්ත්‍රණයක්ද සෞඛ්‍ය අමාත්‍යාංශය විසින් නිකුත් කර තිබේ.
