ග්‍රෑන්ඩ්පාස් පොලිස් වසමේ නගලගම්වීදිය ප්‍රදේශයේ සිදු කළ වෙඩි තැබීමේ සිද්ධියට සම්බන්ධ වෙඩික්කරු ගෑන්ඩ්පාස් පොලිසය විසින් අද (25) අත්අඩංගුවට ගෙන තිබේ.
මෙලෙස අත්අඩංගුවට ගෙන ඇති සැකකරු වේල්ස්කුමාර මාවත ප්‍රදේශයේ පදිංචි 32 හැවිරිදි අයෙකු බව වාර්තා වේ.
පසුගිය (17) වන දින රාත්‍රී කාලයේ ග්‍රෑන්ඩ්පාස් පොලිස් වසමේ නගලගම්වීදි ප්‍රදේශයේදී පුද්ගලයින් දෙදෙනෙකුට යතුරු පැදියකින් පැමිණි පුද්ගලයින් දෙදෙනෙකු වෙඩි තබා තුවාල සිදු කිරීම සම්බන්ධයෙන් විමර්ශන ආරම්භ කර තිබිණි.
මේ සම්බන්ධයෙන් අපරාධයට අනුබල දීම සම්බන්ධයෙන් මේ වනවිට සැකකරුවන් 03ක් සහ සැකකාරියක් අත්අඩංගුවට ගෙන සිටී.
අද අත්අඩංගුවට ගත් සැකකරු අළුත්කඩේ අංක 04 මහේස්ත්‍රාත් අධිකරණයට ඉදිරිපත් කිරීමට නියමිත අතර ග්‍රෑන්ඩ්පාස් පොලිසිය වැඩිදුර විමර්ශන සිදු කරයි.
