පළාත් පාලන මැතිවරණය කඩිනමින් පැවැත්වීමට ආණ්ඩුව තීරණය කර තිබෙන්නේ පරාජයට බියවීමෙන් බව විපක්ෂ නායක මෙන් ම, සමගි ජන බලවේගයේ නායක සජිත් ප්‍රේමදාස ප්‍රකාශ කර තිබේ.
මෙම මැතිවරණය 2022 පෙබරවාරි මස පැවැත්වීමට නියමිතව තිබූ අතර, එය වසරකින් කල් දමා 2023 මාර්තු 09 වෙනි දින පැවැත්වීමට මැතිවරණ කොමිෂන් සභාව සියළු කටයුතු සූදානම් කර තිබිණි. රනිල් වික්‍රමසිංහ එය මුළුමනින් ම කඩාකප්පල් කළ අතර වත්මන් ආණ්ඩුව බලයට පත්වීමෙන් පසුව එය හැකි ඉක්මනින් පවත්වන බව ජනතාවට පොරොන්දු විය.
එම පොරොන්දුව අනුව මැයි මස 06 වෙනි දින එම මැතිවරණය පැවැත්වීමට මැතිවරණ කොමිෂන් සභාව තීරණය කර තිබේ. නියමිත නිල කාලය අවසන් වී වසර 3කටත් වැඩි කාලයක් ගතවීමෙන් පසුව එම මැතිවරණය පැවැත්වීමට කටයුතු යොදා තිබෙන අතර සජිත් ප්‍රේමදාස ප්‍රකාශ කර තිබෙන්නේ මෙය ඉක්මනින් පැවැත්වීමට ආණ්ඩුව කටයුතු කරන්නේ පරාජය වේ යැයි බියට පත්වීමෙන් බව දේශපාලන විචාරකයෝ පවසති.
