පළාත් පාලන ආයතන කිහිපයකට ඉදිරිපත් කළ නාමයෝජනා ප්‍රතික්ෂේප වීම සම්බන්ධයෙන් අධිකරණ ක්‍රියාමාර්ග ගන්නා බව සමගි ජන බලවේගය පවසනවා.
අදාළ ගැටලු සම්බන්ධයෙන් මැතිවරණ මහලේකම් කාර්යාලය ද දැනුවත් කරන බවයි එම පක්ෂයේ මහලේකම්, පාර්ලිමේන්තු මන්ත්‍රී රංජිත් මද්දුම බණ්ඩාර පවසන්නේ.
කොමිසම මඟින් නිකුත් කර ඇති චක්‍රලේඛවල ද අපහැදිලි තත්ත්වයක් පවතින බවයි මහ ලේකම්වරයා වැඩිදුරටත් සඳහන් කර සිටියේ.
