“Meet The Minister” තුන්වන වැඩසටහන ගාල්ලේ “Hall De Galle” ශාලාවේදී සාර්ථකව පැවැත්විණි. මෙම වැඩසටහනේ ප්‍රධාන අරමුණු වූයේ ගාල්ල දිස්ත්‍රික් කර්මාන්ත කමිටුව පිහිටුවීම, ප්‍රදේශයේ කර්මාන්තකරුවන්ගේ ගැටලු සාකච්ඡා කර විසඳුම් සෙවීම සහ කර්මාන්ත හා ව්‍යවසායකත්ව සංවර්ධන අමාත්‍යාංශයට අනුබද්ධ ආයතන මගින් ලබාගත හැකි සේවාවන් පිළිබඳව ව්‍යවසායකයින් දැනුවත් කිරීමයි.
මෙම උත්සවයට දකුණු පළාත් ආණ්ඩුකාර බන්දුල හරිස්චන්ද්‍ර මහතා, වෘත්තීය අධ්‍යාපන නියෝජ්‍ය අමාත්‍ය නලින් හේවගේ මහතා, ධීවර ජලජ සහ සාගර සම්පත් නියෝජ්‍ය අමාත්‍ය රත්න ගමගේ මහතා ඇතුළු මැති ඇමැතිවරුන් සහභාගී වූහ. මෙයට අමතරව, ගාල්ල දිස්ත්‍රික්කය නියෝජනය කරන පාර්ලිමේන්තු මන්ත්‍රීවරුන්, ගාල්ල දිස්ත්‍රික් ලේකම් W. A. ධර්මසිරි මහතා, කර්මාන්ත අමාත්‍යාංශයේ අතිරේක ලේකම්වරුන් ඇතුළු නිලධාරීන්, විවිධ ආයතන සභාපතිවරුන්, ප්‍රාදේශීය ලේකම්වරුන්, කර්මාන්ත අමාත්‍යාංශය යටතේ ක්‍රියාත්මක වන ආයතන ප්‍රධානීන්, රාජ්‍ය නිලධාරීන්, කර්මාන්තකරුවන් සහ ව්‍යවසායකයින් ඇතුළු විශාල පිරිසක් සහභාගී වූහ.
