හිටපු කථානායක චමල් රාජපක්ෂ ප්‍රකාශ කර ඇත්තේ තමන් ඉදිරි ප්‍රාදේශීය සභා මැතිවරණයට පොදුජන පෙරමුණ (පොහොට්ටුව) යටතේ තරඟ කරන බවයි. මාධ්‍ය හමුවේ අදහස් දක්වමින් ඔහු කියා සිටියේ දැන් තම පක්ෂය තුළ වඩාත් යහපත් පිබිදීමක් ඇති වී තිබෙන බවයි.
තවදුරටත් කතා කරමින් ඔහු සඳහන් කර ඇත්තේ මෙවර පළාත් පාලන මැතිවරණයට ඉදිරිපත් වන බවත්, තමාට දිස්ත්‍රික්කයේ ඕනෑම ප්‍රදේශයකින් තරඟ කිරීමට හැකි බවත්ය.
“වෙනස කරා. වෙනසේ රඟ දැන් ආපහු දකිනවා. දැන් හැමෝටම ඕනේ ඇති කරපු වෙනස නැවත වෙනස් කරන්න. පොදුජන පෙරමුණෙන් මමත් ප්‍රාදේශීය සභාවට ඉල්ලනවා. ඉහළ යනවා. පහළ යනවා. අපි පහළින්ම පටන් ගන්නවා ආපහු. සියලුදෙනාගේම ඉල්ලීම අනුව දිස්ත්‍රික්කයේ ඕනෑම තැනකින් ඉල්ලන්න පුළුවන්” යැයි චමල් රාජපක්ෂ මහතා පවසා තිබේ.
