එක්සත් ජාතික පක්ෂයේ සභාපති වජිර අබේවර්ධන ද රාජපක්ෂලා ප්‍රමුඛ හිටපු ජනාධිපතිවරුන්ගේ ආරක්ෂාව සම්බන්ධයෙන් ගෙන යන ප්‍රචාරක කටයුතුවලට අලුතින්ම එක්වී සිටී.
කරන්දෙණිය ප්‍රදේශයේ පවත්වන ලද ගෘහස්ථ සාකච්ඡාවකට එක් වෙමින් ඔහු ප්‍රකාශ කර තිබෙන්නේ මෙරට රාජ්‍ය නායකයින් කිහිප දෙනෙකු ම අකල් මරණවලට ගොදුරු වී ඇති බවයි. මේ නිසා හිටපු ජනාධිපතිවරුන්ගේ සහ ප්‍රභූන්ගේ ආරක්ෂාව සම්බන්ධයෙන් නැවත සලකා බැලිය යුතු බව ප්‍රකාශ කර ඇත.
වර්තමාන රජය ඔවුන්ගේ ආරක්ෂාව කප්පාදු කරන්නේ යැයි ද, විශේෂයෙන් ම මහින්ද රාජපක්ෂ තිස් අවුරුදු යුද්ධය අවසන් කරන්න නායකත්වය ලබා දුන් පුද්ගලයා බව ද අවධාරණය කර ඇත. ආරක්ෂක විශේෂඥ කමිටුවක නිර්දේශවලට අනුව ප්‍රභූ ආරක්ෂාව සම්බන්ධයෙන් වර්තමානයේ අනුගමනය කරන ක්‍රියාර්ගය විපක්ෂයේ සියළුම පක්ෂ එක්වී හෙළි දකිමින් සිටී.
