පසුගිය පාර්ලිමේන්තු මැතිවරණයේදී සමගි ජන බලවේගයෙන් තේරී පත්වූ මනෝ ගනේෂන් සහ පලනි දිගම්බරන් ඇතුලු මන්ත්‍රීවරු රැසක් එම පක්ෂයෙන් ඉවත් වී රනිල් වික්‍රමසිංහ සමඟ එක්වීමේ සූදානමක සිටින බව තහවුරු වී තිබේ.
මේ බව ඊයේ (30) තහවුරු වී ඇති අතර රනිල් වික්‍රමසිංහ කැඳවා තිබූ විපක්ෂයේ මන්ත්‍රීවරුන්ගේ හමුවේ මූලික සාකච්ඡාවලට එම මන්ත්‍රීවරු දෙදෙනා සහභාගී වී තිබේ. පක්ෂය තුළ ප්‍රතිසන්ධාන කටයුතු ඉක්මනින් සිදු නොකළහොත් තවත් මන්ත්‍රීවරු ගණනාවක් ඉන් ඉවත් වී යාමේ සූදානමක සිටින බව මේ වනවිට හෙළිවී ඇත.
විශේෂයෙන් ම, ලක්ෂ්මන් කිරිඇල්ල ප්‍රමුඛ පිරිසක් රනිල් වික්‍රමසිංහ සමඟ සාකච්ඡා පවත්වමින් සිටින අතර ඔහුගේ දියණිය ඇතුළු මන්ත්‍රීවරු තම අනාගතය සලකා බලා ඉවත්වීමට සූදානම් බව වාර්තා වේ.
