ඉකුත් දා කොළඹ මහ නගර සභාවේ අයවැය වැඩි ඡන්ද 3කින් පරාජය කිරීමට විපක්ෂය සමත් වුවද, එම ජයග්රහණය හුදෙක් ඉලක්කම්වලට පමණක් සීමා වූවක් බව දේශපාලන විචාරකයෝ පෙන්වා දෙති. ජාතික ජන බලවේගයේ පාලනය යටතේ ඉදිරිපත් වූ කොළඹ නගර සභාවේ පළමු අයවැය ඡන්ද 60ට 57ක් ලෙස පරාජය වුවත්, පවතින නීතිමය රාමුව තුළ එය ආණ්ඩුවේ පළාත් පාලන බලයට අභියෝගයක් නොවන බව තහවුරු වී ඇත.
හිටපු මැතිවරණ කොමසාරිස් මහින්ද දේශප්රිය මහතා පෙන්වා දෙන පරිදි, පළාත් පාලන ආයතනයක පළමු අයවැය පරාජය වීම එහි ප්රධානියාට හෝ පාලනයට බලපෑමක් ඇති නොකරයි. 2026 සහ 2027 යන වසරවල අයවැය පරාජය වුවද සභාවේ වැඩකටයුතු බාධාවකින් තොරව පවත්වාගෙන යාමට පුරපතිනියට නීතිමය ප්රතිපාදන ඇත. පුරපති ධුරය අහිමි වීමට බලපාන්නේ 2028 වසරේ අයවැය පරාජය වුවහොත් පමණි.
ඒ අනුව, කොළඹ නගර සභාව තුළ විපක්ෂය සතුව සංඛ්යාත්මක බහුතරයක් තිබුණද, වත්මන් පුරපතිනී ව්රායි කැලී බල්තසාර් මහත්මියගේ ධුරයට හෝ ඇයගේ පරිපාලනයට අභියෝග කිරීමට විපක්ෂයට කිසිදු නීතිමය ඉඩක් නොමැත. කෙටියෙන්ම කිවහොත්, අයවැය පරාජය කිරීම හරහා විපක්ෂය ලැබූයේ තාවකාලික සතුටක් පමණක් වන අතර, ප්රායෝගිකව ආණ්ඩුවේ වැඩපිළිවෙළ නතර කිරීමට ඔවුනට හැකියාවක් නැත
