මන්ත්‍රී නාමල් රාජපක්ෂගේ පවුලේ උදවිය අද (20) උදෑසනම රටින් පිටව ගොස් ඇති බව වාර්තා වෙනවා. මන්ත්‍රීවරයාගේ බිරිඳගේ මවත් සමඟ ඔහුගේ දරු දෙදෙනා, සේවිකාවන් දෙදෙනෙකු සහ තවත් ඥාති කාන්තාවක් අද උදෑසන ඩුබායි බලා පිටත්ව ගොස් තිබෙන බවයි.
ගුවන්තොටුපොළ වාර්තාකරුවන් උපුටා දක්වමින් මාධ්‍ය පවසන්නේ ඔවුන් කටුනායක ගුවන්තොටුපොළේ ‘සේද මාවත’ ඔස්සේ මෙලෙස ඩුබායි බලා පිටත්ව ගිය බවයි.
මෙම පිරිස අද (20) උදෑසන 10.01ට මෙරටින් පිටත්වූ Emirates ගුවන් සේවයට අයත් EK දරන ගුවන් යානයෙන් ඩුබායි යගිය බවයි කියන්නේ. මෙම පිරිස පළමුව ඩුබායි වෙත ගොස් ඉන් අනතුරුව අමෙරිකාව බලා පිටත්ව යාමට සැලසුම් කර ඇති බවයි වාර්තා වන්නේ.
