හිටපු කම්කරු සහ විදේශ රැකියා අමාත්‍ය මනූෂ නානායක්කාර මහතා, අල්ලස් හෝ දූෂණ චෝදනා විමර්ශන කොමිෂන් සභාව විසින් අද (15) අත්අඩංගුවට ගෙන තිබේ.
ප්‍රකාශයක් ලබාදීම සඳහා එම කොමිසම වෙත පැමිණි අවස්ථාවේදී මෙම අත්අඩංගුවට ගැනීම සිදුවී ඇති බව වාර්තා වේ.
මෙම විමර්ශනයට පාදක වී ඇත්තේ, පසුගිය රජය සමයේ ඊශ්‍රායලයේ කෘෂිකාර්මික රැකියා සඳහා ශ්‍රමිකයින් යැවීම සම්බන්ධයෙන් සිදුවූ බව කියන අක්‍රමිකතාවකි.
මීට පෙර, මෙම විමර්ශනයට අදාළව තමන්ව අත්අඩංගුවට ගැනීම වළක්වන ලෙස ඉල්ලා ඔහු විසින් ගොනුකළ අපේක්ෂිත ඇප අයදුම්පතක් අධිකරණය විසින් ප්‍රතික්ෂේප කර තිබිණි.
