කොළඹ මහාධිකරණය මගින් අද (04) යෝෂිත රාජපක්ෂට සහ ඔහුගේ මිත්තනිය වන ඩේසි ෆොරස්ට්ට එරෙහිව මුදල් විශුද්ධිකරණය වැළැක්වීමේ පනත යටතේ ගොනු කර ඇති නඩුවට අදාළව අධි චෝදනා පත්‍ර භාරදී තිබේ.
මෙම තීරණය ගනු ලැබුවේ මේ දක්වා පිලිවෙලක් නැතිව චෝදනා ගොනු කර තිබූ නඩුව යථාපරිදි නාභි ගත කරමිනි.
නීතිපති විසින් ගොනු කරන ලද අධි චෝදනා පත්‍ර කොළඹ මහාධිකරණ විනිසුරු ආදිත්‍ය පටබැඳිගේ ඉදිරියේ භාරදුන් අතර ඉන් අනතුරුව විත්තිකරුවන් දෙදෙනාම රුපියල් ලක්ෂ 05 බැගින් වූ ශරීර ඇප දෙකක් මත මුදා හැරීමට අධිකරණය නියෝග කර ඇත.
මෙම නඩුවේ පූර්ව විභාගය මැයි මස 30 වැනි දින පැවැත්වීමට ද අධිකරණය තීරණය කර ඇත.
