ලබන මැයි මස 06 වෙනි දින පැවැත්වෙන පළාත් පාලන මැතිවරණය වෙනුවෙන් ඉදිරිපත් කළ නාම යෝජනා අතරින් වැඩිම ප්‍රමාණයක් ප්‍රතික්ෂේප වී ඇත්තේ මහනුවර දිස්ත්‍රික්කයෙන් බව අනාවරණය වේ.
එම දිස්ත්‍රික්කය වෙනුවෙන් නාම යෝජනා පත්‍ර 210ක් ඉදිරිපත් කර ඇති අතර එයින් 58ක් ප්‍රතික්ෂේප වී ඇති බව දිස්ත්‍රික් තේරීම් බාර නිලධාරි, දිස්ත්‍රික් ලේකම් ඉන්දික උඩවත්ත මාධ්‍ය හමුවක දී ප්‍රකාශ කර ඇත. එහි විශේෂත්වය වන්නේ පිළිගත් දේශපාලන පක්ෂවල නාම යෝජනා පත්‍ර 52ක් ම ප්‍රතික්ෂේප වී තිබීමයි.
මහනුවර දිස්ත්‍රික්කය වෙනුවෙන් පිළිගත් දේශපාලන පක්ෂ 185ක නාම යෝජනා ඉදිරිපත් කර තිබූ අතර ස්වාධීන කණ්ඩායම් 26ක් ද නාම යෝජනා ලබා දී තිබිණි. එම දිස්ත්‍රික්ක සඳහා කොට්ඨාස පදනමින් නියෝජිතයන් 368 දෙනෙකු තෝරා ගැනීමට නියමිත ය.
