රක්ෂිත බන්ධනාගාර ගත කර සිටින පොලිස්පති දේශබන්දු තෙන්නකෝන් අද (20) යළි මාතර මහෙස්ත්‍රාත් අධිකරණය වෙත ඉදිරිපත් කිරීමට නියමිතය.
මාතර – වැලිගම ප්‍රදේශයේ පිහිටි “W15” හෝටලයට 2023 වසරේදී වෙඩි වෙඩි තැබීමේ සිද්ධියේදී කොළඹ අපරාධ කොට්ඨාසයේ නිලධාරියෙකු මියයාම සම්බන්ධයෙන් එවක වැඩබලන පොලිස්පති දේශබන්දු තෙන්නකෝන් ඇතුළු 08 දෙනෙකු අත්අඩංගුවට ගැනීම සඳහා පසුගිය පෙබරවාරි මාසයේදී මාතර මහේස්ත්‍රාත් අධිකරණය වරෙන්තු නිකුත්කර තිබිණි.
එතැන් සිට අධිකරණය මගහරිමින් සිටි දේශබන්දු තෙන්නකෝන් ඊයේ අධිකරණයට ඉදිරිපත් වූ අතර එහිදී දේශබන්දු තෙන්නකෝන්ගේ නීතිඥයින් විසින් ඔහුට ඇප ලබා දෙන ලෙස ඉල්ලා සිටි අතර ඒ සම්බන්ධයෙන් අද පස්වරු 2.00ට මාතර මහෙස්ත්‍රාත් විසින් තීන්දුව ප්‍රකාශ කිරිමට නියමිතය.
ඒ අනුව සැකකාර දේශබන්දු තෙන්නකෝන් අද දිනය දක්වා රක්ෂිත බන්ධනාගාර ගත කරන ලෙසට මාතර මහෙස්ත්‍රාත් අරුණ ඉන්දික බුද්ධදාස නියෝග කර තිබූ අතර ඔහු ඊයේ පස්වරුවේ අගුණුකොළපැලැස්ස බන්ධනාගාරය වෙත විශේෂ ආරක්ෂාවක් යටතේ රැගෙන යනු ලැබීය.
