අධිකරණය මගහරිමින් සිටින පොලිස්පති දේශබන්දු තෙන්නකෝන්ගේ බිරිඳගෙන් සහ පුත්‍රයාගෙන් අපරාධ පරීක්ෂණ දෙපාර්තමේන්තුවේ නිලධාරීන් විසින් ප්‍රශ්න කර ප්‍රකාශයක් සටහන් කරගෙන තිබේ.
ඒ හෝකන්දර පිහිටි ඔවුන් පදිංචි නිවසේදීය.
පොලිස්පති දේශබන්දු තෙන්නකෝන් වහාම අත්අඩංගුවට ගන්නා ලෙස මාතර මහෙස්ත්‍රාත් අධිකරණ විසින් නියෝගයක් ලබා දී ඇතත් ඔහු නිවසින් පලා ගොස් සැඟව සිටින බැවින් මෙතෙක් ඔහුව සොයා ගැනීමට අපරාධ පරීක්ෂණ දෙපාර්තමේන්තුවට මේ වනතෙක් හැකි වී නැත.
ඒ අනුව අපරාධ පරීක්ෂණ දෙපාර්තමේන්තුවේ නිලධාරීන් කණ්ඩායමක් ඔහුගේ නිවස වෙත ගියද එම අවස්ථවේදී නිවසේ කිසිවෙකුත් සිට නැත.
මෙම තත්වය තුළ දිගින් දිගටම නිවස පරීක්ෂා කළ නිලධාරීන් පසුගිය බ්‍රහස්පතින්දා දිනයේදී පොලිස්පති දේශබන්දු තෙන්නකෝන්ගේ පුත්‍රයාගෙන් සහ බිරිඳගෙන් ප්‍රශ්ණ කර ඇත.
පොලිස්පති දේශබන්දු තෙන්නකෝන්ගේ පුත්‍රයා සහ බිරිඳ යන දෙදෙනාද පසුගිය දිනවල නිවසින් අත්රුදහන් වී සිට ඇති අතර ඔවුන් දෙදෙනා යළ එම නිවසට පැමිණ ඇත්තේ එම පුත්‍රයා මෙවර සාමාන්‍යපෙළ විභාගයට පෙනී සිටින බැවිනි යැයිද වාර්තා වේ.
