පොලිස්පති දේශබන්දු තෙන්නකෝන් මහතා අභියාචනාධිකරණය වෙත රිට් පෙත්සමක් ඉදිරිපත් කර ඇත. මෙම පෙත්සම මගින් ඔහු ඉල්ලා සිටින්නේ 2023 වසරේ මාතර වැලිගම W.15 හෝටලයට එල්ල වූ වෙඩි ප්‍රහාරය සම්බන්ධයෙන් තමන්ව අත්අඩංගුවට ගැනීමට මාතර මහේස්ත්‍රාත් අධිකරණය විසින් නිකුත් කර ඇති නියෝගය තාවකාලිකව අත්හිටුවීමට අතුරු තහනම් නියෝගයක් ලබා දෙන ලෙසයි.
අද දින (10) අභියාචනාධිකරණයේ වැඩබලන සභාපති මොහොමඩ් ලෆාර් තාහීර් සහ විනිසුරු සරත් දිසානායක යන මහත්වරුන්ගෙන් යුත් විනිසුරු මඩුල්ල හමුවේ මෙම පෙත්සම ඉදිරිපත් කෙරිණි. සියලු වග උත්තරකරුවන්ට නිසි ලෙස නොතිසි ලබාදීමෙන් පසුව, ලබන 12 වන දින මෙම පෙත්සම නැවත විභාගයට ගැනීමට අධිකරණය තීරණය කර ඇත.
