උතුරේ ධීවර ප්‍රජාවට දැඩි ලෙස බලපෑම් එල්ල කරමින් ඉන්දීය ධීවරයින් විසින් සිදු කරන මෙරට මත්ස්‍ය සම්පත කොල්ලකෑම වහාම නතර කිරීමට අවශ්‍ය පියවර ගන්නා ලෙස ඉන්දීය රජයෙන් ඉල්ලීමක් කර ඇති බව සභානායක අමාත්‍ය බිමල් රත්නායක මහතා ප්‍රකාශ කර සිටී.
පාර්ලිමේන්තුවේ පැවති විවාදයකදී අදහස් දැක්වූ ඔහු මෙම කරුණු අවධාරණය කළේය.
මේ අතර, පාර්ලිමේන්තු මන්ත්‍රී මනෝ ගනේෂන් මහතා පෙන්වා දුන්නේ සංචාරයක් සඳහා නුදුරේදීම ශ්‍රී ලංකාවට පැමිණීමට නියමිත ඉන්දීය අග්‍රාමාත්‍යවරයා සමඟ මෙම ගැටලුව පිළිබඳව සාකච්ඡා කිරීමේ අවස්ථාවක් උදාවනු ඇති බවයි. යුද්ධය නිමාවී දැනට වසර 15ක් ගතවී ඇතත්, මෙම දීර්ඝකාලීන ප්‍රශ්නය තවමත් විසඳුමකින් තොරව පවතින බවද ඔහු පෙන්වා දුන්නේය.
අමාත්‍ය බිමල් රත්නායක මහතා වැඩිදුරටත් අදහස් දක්වමින් පැවසුවේ, මෙම ගැටලුව විසඳීම සඳහා ඉන්දීය මධ්‍යම රජය මෙන්ම තමිල්නාඩු ප්‍රාන්ත රජයද ඉක්මනින් ක්‍රියාත්මක වනු ඇතැයි තමා බලාපොරොත්තු වන බවයි.
