විෂය භාර ඇමතිගේ ගැසට් නිවේදනය අනුව ලබන ජුනි මස 02 වැනිදාට පෙර පළාත් පාලන මැතිවරණය පැවැත්විය යුතු බැවින්, එම මැතිවරණ දිනය තීරණය කිරීම සඳහා මැතිවරණ කොමිෂන් සභාවේ විශේෂ රැස්වීමක් ලබන 27 වැනිදා පැවැත්වීමට තීරණය කර තිබේ.
මෙම තොරතුරු හෙළි වූයේ අම්පාර දිස්ත්‍රික් ලේකම් කාර්යාලයේ පසුගිය 21 වැනිදා පැවති මැතිවරණ නියාමන පනත් කෙටුම්පත පිළිබඳ රාජ්‍ය නිලධාරීන් දැනුවත් කිරීමේ වැඩමුළුවේදී මැතිවරණ කොමසාරිස් ජනරාල් සමන් ශ්‍රී රත්නායක විසින් කරන ලද ප්‍රකාශයකිනි.
මැතිවරණ කොමසාරිස් ජනරාල්වරයා වැඩිදුරටත් පවසා ඇත්තේ, විෂය භාර ඇමතිගේ ගැසට් නිවේදනය අනුව ලබන ජුලි මස 02 වැනිදාට පෙර පළාත් පාලන මැතිවරණය පවත්වා එහි සභිකයන් ගැසට් කර, සියලුම මහ නගර සභා, නගර සභා සහ ප්‍රාදේශීය සභා පවත්වාගෙන යෑමට කටයුතු කරන බවයි.
