පුරප්පාඩුව පැවැති අභියාචනාධිකරණ විනිසුරුධූර සඳහා විනිසුරුවරුන් පත් නොකිරීම තුළින් මූලික මිනිස් අයිතිවාසිකම් උල්ලංඝනය වී ඇති බවට තීන්දුවක් ඉල්ලා ගොනුකළ පෙත්සමේ වග උත්තරකරුවකු ලෙස හිටපු ජනාධිපති රනිල් වික්‍රමසිංහ නම් කිරීමට ශ්‍රේෂ්ඨාධිකරණය අවසර ලබා දී තිබෙනවා.
අදාළ පෙත්සම ඉදිරිපත් කර ඇත්තේ ජනාධිපති නීතිඥ සේනක වල්ගම්පාය විසින්.
එය අද ජනක් ද සිල්වා සහ මහින්ද සමයවර්ධන යන මහත්වරුන්ගේ සමන්විත ශ්‍රේෂ්ඨාධිකරණ විනිසුරු මඬුල්ල ඉදිරියේ කැඳවනු ලැබුවා.
එහිදී අදාල පෙත්සමේ වග උත්තරකරුවකු ලෙස හිටපු ජනාධිපති රනිල් වික්‍රමසිංහ මහතා නම් කිරීමට අවසර ලබා දෙන ලෙස මෝසමක් ගොනු කරමින් පෙත්සම්කාර පාර්ශවය වෙනුවෙන් පෙනී සිටි නීතිඥවරයා අධිකරණයෙන් ඉල්ලීමක් කළා.
ඒ අනුව විරෝධතා පවති නම් සති හතරක් තුළ ගොනු කරන ලෙස වග උත්තරකාර රනිල් වික්‍රමසිංහට මහතාට කල් ලබා දුන් විනිසුරු මඩුල්ල, පෙත්සම විභාගය සඳහා ලබන මාර්තු මස 10 වනදා කැඳවීමට නියෝග කරනු ලැබුවා.
